Hierdie hede vergaan

q

Rooifiguur kylix, 440 – 430 v.C. Orakel van Delphi

Hierdie hede vergaan

.

Iets druk

die berge plat,

stoot ’n wind

uit die see, sout

van angs.

.

Op die horison

kan jy sien

die land is besig

om te buig;

rotse kraak

en skeur,

wys hulle bloeiende binnekante.

.

Wolke oor die vlaktes

word uitmekaar geskeur,

fyngekam tot waterige lug.

.

Van bo gesien

is mense klein,

skarrelend in en uit hulle huise,

heen en weer in strate,

te klein

om gesigte te hê.

.

Dan skuif die fokus

en daar sit die kleintjie

in haar stootwaentjie.

.

Onbegrypend kyk sy

na die flikkerende wêreld om haar,

Pythia, orakel van Delphi,

wat net die toekoms sien.