Vinkel en koljander

Buite die venster. Fotografika: DWV

Vinkel en koljander

.

Alles is groen

buite my venster.

Haantjies van porselein in die vensterbank

hou alles gemoedelik dop.

.

Varings hou hulle fyn arms

triomfantelik in die lug,

die kanferboom se blare

is applouserende konsertgangers;

byna onbeheerbaar geesdriftig

die buddleja se sagte groen

wat voldaan staan

en kyk hoe die sonlig

allegro’s uitvoer van blaar tot blaar;

.

dan die die olifant

wat statig aanstap deur alles

sonder om die geringste skade

aan te rig.

Sy slurp krul en swaai

met beheerste brute krag,

sy ivoor kerf wit uit die sonlig.

,

Die olifant het homself uitgedink

en laat homself loop in die tuin

in ’n effens newe-dimensie

sodat hy niks hoef plat te trap nie.

.

A, hier kom hy,

bied my ’n piesang aan.

Hierdie piesang, bestaande uit verbeelde atome

gaan ek met groot smaak geniet.

.

Die een werklikheid

is nes die ander.

Vinkel en koljander.

About kruger01

Poet, author, translator Grandfather of five. Bonsai grower.
This entry was posted in Uncategorized. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s