Paul se smorgasbord

Matthias_Stom_-_St_Gregory_-_WGA21806-1

Pous Gregorius die Grote. Skildery deur Matthias Stom (1615 – 1649)

Paul se smorgasbord

.

Hier is die smorgasbord

van Paul se denke –

alhoewel dit gedeeltelik georganiseer is,

kan jy jou verlustig

in die diffuse oorvloed daarvan:

kettingsae eet met sadistiese erotiek

in die wit dye van bome in;

’n pous in die veertiende eeu

dikteer ’n bul om sy mag uit te brei,

vertellende homself dat dit ’n hemelse taak is;

Pablo teken met driftige seksualiteit

die aggressiewe buitelyne van ’n bul;

en die Pablo wat eers Basoalto was,

gee geboorte aan poësie

soos ’n spilpunt sproeier,

om die dig geslote gange van die syn

oop te beur.

.

’n Digter skep gewone woorde

uit sy taal

en pers dit in ’n kaasdoek

al hoe digter, hopend

om iets eetbaars daaruit te kry.

.

Familietale fluister langs mekaar

en Russiese kak

word lelik in Afrikaans,

en Afrikaans se sleng-woord boytjie

is pojken, seun, in Sweeds.

.

Daar is ’n plan onderliggend aan alles,

’n plan wat niemand ken nie;

waar is die beplanningskantoor,

is daar regtig een?

.

Ek het net begin geniet

van Paul se smorgasbord,

en nou is ek klaar versadig,

maar net vir ’n ruk.

Die mens is nooit versadig nie.

About kruger01

Poet, author, translator Grandfather of five. Bonsai grower.
This entry was posted in Uncategorized. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s